Estudyante, patay sa pamamaril sa M'lang, North Cotabato kagabi
Local News • 10:45 AM Thu Oct 22, 2020
1
By:
DXND-NDBC
Ang biktima. (DXND photo)
MLANG, North Cotabato - Patay ang 21 anyos na lalaking kumakain lang matapos pagbabarilin sa Magsaysay Avenue, Barangay Poblacion M'lang alas 8:00 kagabi.
Kinilala ang biktima na si Aldrin Mendigoria Tangonan Jr. na residente ng Barangay Osias, Kabacan, Cotabato.
Sa report, kumakain lang ang biktima kasama ang kaibigan nito nang lapitan ng suspek na kinilalang si Jerson Dulana Papna, 42 anyos, isang laborer at residente ng Bialong, Mlang.
Dito ay unang sinuntok ng suspek ang biktima bago nito binaril na tinamaan sa noo.
Unang dinala sa isang ospital sa M'lang si Tangonan pero agad itong inilipat sa Kidapawan City at sinubukan pang itakbo sa Davao City pero hindi na ito umabot ng buhay.
Ang suspek naman na si Papna ay agad na tumakas papuntang barangay Sangat M'lang na ngayon ay patuloy pang tinutugis ng PNP.
Umapela rin ang PNP sa sinumang may alam kung saan maaring nagtatago ang suspect na makipagtulungan sa pamahalaan at sa mga otoridad.