Cotabato City barangay chairperson hurt in shooting inside Mosque
Peace and Order • 22:00 PM Thu Jan 6, 2022
968
By:
DXMS Radyo Bida
SUGATAN ANG isang barangay kapitan ng Cotabato City makaraang siya ay pagbabarilin habang nasa loob ng isang mosque sa Barangay Rosary Heights 5, Cotabato City.
Naganap ang pamamaril kay Barnagay Rosary Heights 5 chairman Amil Sula dakong alas 7 ng gabi.
Sugatan din ang katabi nitong nagdarasal na nakilalang si dating Barangay Kagawad Abner Ampuan, 39 at taga Barangay RH-5.
Sila at iba pa ay nasa loob ng isang masjid na nasa second street, Don E Sero, Barangay RH-5.
Sinabi ni Police Station 2 chief Maj. Rustom Pastolero na nagdarasal si Chairman Sula at iba pa nang pumasok ang isa sa dalawang mga suspect at siya ay pinaputukan ng maraming beses.
Agad na tumakas ang gunman sakay ng isa pang motorsiklo na minamaneho ng kasama at tumakas habang si Sula at si Ampuan ay dinala ng mga kamag-anak sa ospital.
Nagpapatuloy pa ang imbestigasyon.