CAFGU member, patay sa pamamaril sa Datu Odin Sinsuat
Local News • 08:30 AM Sat Nov 18, 2023
199
By:
DXMS with reports from John Unson
NAISUGOD pa sa pagamutan pero makalipas ang ilang oras ay binawian ng buhay ang isang kasapi ng CAA o CAFGU Active Auxiliary matapos pagbabarilin mag-a-alas otso kagabi sa Barangay Semba, Datu Odin Sinsuat, Maguindanao del Norte.
Kinilala ang biktima na si Bong Gampong, 46 years old, nadestino sa CAA Delta Company ng 6ID, at residente mismo ng Barangay Semba.
Sa imbestigasyon ng Datu Odin Sinsuat PNP sa pangunguna ni Lt. Colonel Esmael Madin, minamaneho ng biktima ang kaniyang motorsiklo nang pagsapit sa Sarilikha National High School ay bigla itong pinagbabaril ng hindi tukoy na salarin.
Agad namang nag responde ang Datu Odin Sinsuat PNP kasama ang 2nd Manuever Platoon ng PMFC ngunit naisugod na sa hospital ng concerned citizen ang biktima.
Narekober sa crime scene ang tatlong piraso ng basyo ng bala ng caliber 40 pistol.
Patuloy pa ang imbestigasyon ng PNP sa naganap na krimen.