BARMM READi, namigay ng tulong sa mga fire victim ng sunog sa Cot. City
Local News • 22:30 PM Wed Apr 12, 2023
654
By:
BARMM READi news release
Bangsamoro READi, agad nagpaabot ng tulong sa mga biktima ng sunog sa Barangay Bagua Mother.
Abot sa 10 mga bahay ang tinupok ng apoy kaninang alas nuebe ng umaga, 12 April 2023 sa Purok Masigay at Bulawan, Mother Barangay Bagua, Cotabato City.
Ang sunog ay naging dahilan upang mawalan ng tahanan ang 17 pamilya na binubuo ng 28 indibidwal sa nabanggit na lugar.
Agad nagpaabot ng paunang tulong ang Bangsamoro Rapid Emergency Action on Disaster Incidence o (Bangsamoro-READi) upang makaagapay sa mga biktima.
Kabilang sa tinanggap ng mga nasunugan ay 10 kilo ng bigas, 10 delata ng sardinas, 10 sachet ng kape, isang flashlight, at mga gamot mula sa Bangsamoro READi.
Pansamantala ay makikisilong ang mga biktima sa evacuation centers na inihanda ng barangay officials habang ang iba ay nagdesisyon na makikitira sa kanilang mga kamag-anak.
Patuloy ang ginagawang imbestigasyon ng Cotabato City Bureau of Fire Protection sa posibleng pinagmulan ng sunog.
Wala namang naiulat na nasaktan at nasawi sa naturang insidente.