8 mga bahay na-abo sa sunog sa Datu Odin Sinsuat, Maguindanao
ABOT SA WALONG mga bahay ang tinupok na apoy sa nangyaring sunog pasado alas siete kagabi sa Barangay Taviran, Datu Odin Sinsuat, Maguindanao.
Agad na nag responde ang Mother Kabuntalan at Datu Odin Sinsuat BFP.
Sinabi sa DXMS Radyo Bida ni Datu Odin Sinsuat Bureau of Fire Protection sub-station commander SFO4 Yasser Ebrahim na nagsimula ang sunog sa isang electric wire.
Dagdag pa niya, gawa sa light materials ang mga bahay kaya agad itong kumalat.
Tinatayang P80,000 ang danyos ng naturang sunog ayon kay SFO4 Ebrahim.
May paalala naman si Ebrahim sa publiko upang makaiwas sa sunog.
"Siguraduhin na kapag aalis ng bahay ay siguraduhin natin na safe ang bahay, sarado ang gasul, sarado ang appliances, bunutin ang mga nakasaksak at patayin ang linya ng kuryente para kampante tayo na hindi masusunog ang ating mga bahay."