3 nabbed in Polomolok anti-drug operation
Local News • 16:00 PM Wed Mar 15, 2023
564
By:
DXOM Radyo Bida Koronadal
KORONADAL CITY - Kulungan ang bagsak ng tatlo katao matapos makumpiskahan ng mga otoridad ng mahigit P377,000 na halaga ng iligal na droga sa Polomolok, South Cotabato.
Kabilang sa mga naaresto ang target sa anti-illegal drug operation na si Ramil Ramos alyas “Mil”, 42 anyos, photocopying machine technician at supplier.
Ayon kay Polomolok Chief of Police Lt.Col. Joseph Forro III, arestado rin ang mga kasabwat nitong sina Fernando Amper Jr., alias “Tata” 47 anyos, isa ring photo copying machine technician at Peter Babael alyas “Pit” 56 anyos,garbage collector.
Ang nasabing mga drug suspect na pawang mga nakatira sa Davao City ay nakorner ng mga pulis at PDEA agent sa Barangay Silway 8, Polomolok.
Ito ay matapos magbenta ng iligal na droga sa kanilang asset.
Nakumpiska ng mga ito sa mga suspek ang isang malaking sachet ng suspected shabu; dalawang P1,000 marked money at 120 na piraso ng pekeng P100-peso bill na ginamit nilang boodle money.
Ang arestadong mga drug suspek ay kinasuhan na ng Polomolok PNP ng paglabag sa Comprehensive Dangerous Drugs Act.