2 die in South Cotabato highway mishap
KORONADAL CITY - Patay ang dalawang katao matapos masangkot sa aksidente sa national highway ng Barangay Palian, Tupi, South Cotabato.
Kinilala ang mga nasawi na sina Ramil Estopel, 44 anyos, taga Barangay Calean, Tacurong City at pasahero nitong Aiza Sambog, 31 anyos at taga Barangay Kablon, Tupi.
Batay sa imbestigasyon, mabilis umano ang takbo ng mga biktima sakay ang Yamaha Sniper 150 na motorsiklo nang hindi napansin ng driver nito ang dumptruck na pa-lilko papasok ng Barangay Bololmala pasado alas 3 ng hapon.
Sumalpok ang motorsiklo sa likurang bahagi ng dump truck at tumilapon abg driver na si Estopel ito at ang angkas na si Sambog.
Isinugod pa ng mga kasapi ng Tupi disaster unit ang mga biktima sa ospital ngunit idineklara silang dead on arrival.
Samantala, kusa namang sumuko ang driver ng dumptruck na si Angel Bert Buluhan matapos ang pangyayari.