1 dies in car, motorcycle, "payong-payong" collision in DOS, Maguindanao
DATU ODIN SINSUAT, Maguindanao - HINDI na umabot sa pagamutan ang isang grade six pupil habang kritikal naman sa pagamutan ang dalawang kasama nito matapos ang nangyaring banggaan ng tatlong sasakyan sa Barangay Bugawas, Datu Odin Sinsuat, Maguindanao kahapon ng tanghali.
Kinilala ang nasawi na si Ahmad Alyamani, 17 years old habang kritikal naman sa pagamutan ang kanyang kambal na si Mahmo Alyamani at isang tatlong taong gulang na bata.
Ayon sa kaanak ng nasawi, sinasabing nagkayayaan ang tatlo na maligo sakay ng payong payong.
Sa imbestigasyon ng Datu Odin Sinsuat PNP, sinasabing magkasalubong sa opposite na direction ang kotse at payong payong ngunit biglang nabangga ng kotse ang isang motorsiklo sa kanyang harapan dahilan upang silang lahat ay nagkasalpukan.
Sa lakas ng salpukan ay humiwalay ang motor sa sidecar habang parehong nawasak ang harapan ng kotse at motorsiklo.
SAMANTALA, nakatakas naman ang driver ng kotse na hindi pa nakikila habang ang motorsiklo ay minamaneho ni Hood Israel Mohammad na taga Cotabato City at angkas nito na si Bainambai Guiamalo na taga Barangay Sapalan, Datu Odin Sinsuat na himala namang hindi nasugatan.
Patuloy namang inaalam ng mga otoridad ang pagkakakilanlan sa driver ng kotse habang hinihintay rin nila ang posibleng pagdemanda ng mga kaanak ng nasawi.