1 dead, 1 hurt in Kabacan ambush
Mindanao Armed Conflict • 22:45 PM Tue May 16, 2023
639
By:
DXND RADYO BIDA
Photos courtesy of John Guiambangan, Warkie Makaluge
KIDAPAWAN CITY - NASAWI na sa ospital ang isa sa mga biktima ng pamamaril sa Barangay Kayaga, Kabacan, North Cotabato kaninang alas 12:30 ng tanghali.
Kinilala ang nasawi na si Ronnie Somelo ng Barangay Binoligan, Kidapawan City.
Habang sumailalim naman sa operasyon ang nagmaneho ng Toyota Hilux pick up truck na si Edwin Cartagena na taga Lanao, Kidapawan City.
Nabatid na tinambangan ng riding tandem suspects ang dalawa habang bumabiyahe mula Kidapawan-Datu Montawal route. Matapos ang pamamaril, bumangga ang Toyota Hi Lux sa pader.
Sa panayam ng Radyo BIDA kay Kabacan PNP Chief PMajor Maxim Peralta, sinabi nito na posibleng magkakakilala ang mga biktima at suspek matapos makita sa cellphone ng isa sa biktima na kausap nito ang suspek base sa na-recover na cellphone .
Nagpapatuloy ang imbestigasyon ng awtoridad sa insidente.