Thursday Mar, 28 2024 08:52:52 PM

1 BIFF patay sa engkwentro sa Maguindanao

Mindanao Armed Conflict • 21:00 PM Sun Aug 28, 2022
490
By: 
6th ID news release
Ang pampasabog na nakuha mula sa kasapi ng BIFF. (Army photo)

CAMP SIONGCO, Maguindanao – Patay ang isang miyembro ng Bangsamoro Islamic Freedom Fighter (BIFF) sa nangyaring engkwentro sa pagitan nila at ng tropa ng pamahalaan sa Brgy Damablac, Talayan, Maguindanao.

Sa ulat na nakarating sa pamunuan ni Colonel Oriel L Pangcog, Commander ng 601st Brigade na madaling araw kanina ng maka-engkwentro ng tropa ng pamahalaan ang nasa 18 kasapi ng BIFF-Bungos faction sa lugar.

“Tumagal ng limang minuto ang palitan ng putok sa panig ng ating mga kasundaluhan at ng mga teroristang grupo na pinamumunuan ni Khadaffi Abdulatif alias Abu Mukayam, Chief of Staff BIFF-Bungos Faction at ng pangkat ni Andamel Abdulatif alias Mac-Mac mag-aala-una ng madaling araw kanina”, pahayag ni Col. Pangcog.

Matapos nito ay tumakas ang mga teroristang grupo at humalo sa mga sibilyan.

Sa ginawang pagtugis ng mga magigiting na kawal ng pamahalaan, isang bangkay ng kalaban ang natagpuang inabandona ng kanyang mga kasamahan. Narekober naman ng mga sundalo ang isang improvised explosive device (IED). Isang sibilyan naman ang naiulat na sugatan na kinilalang si Utain Kalantungan, 46-anyos na agad namang isinugod sa Integrated Provincial Health Office (IPHO) Maguindanao, sakay sa military vehicle.

Kaugnay nito, iginiit ni 6th Infantry (Kampilan) Division at Joint Task Force Central, Commander, Major General Roy M Galido na hindi mangingiming durugin at tuluyang pulbusin ng Kampilan troopers ang teroristang grupo na banta sa seguridad sa mga lugar na sakop ng 6ID.

“Ang 6ID at JTFC ay umaalok ng kapayapaan sa pamamagitan ng pababalik-loob ninyo sa ating gobyerno. Handa ang pamahalaan na bigyan kayo ng magandang kinabukasan, pero kung patuloy kayo sa paghahasik ng karahasan, pag-aaklas laban sa ating tropa aasahan ninyo ang mas maigting naming pagtugis sa inyo,” ang matapang na pahayag ni 6ID Commander, MGen. Galido.

Matatandaan na nasa (4) apat na mga BIFF ang bumulagta sa mas pinaigting na operasiyon ng tropa ng Joint Task Force Central, 154 naman ang nagbalik-loob sa pamahalaan, simula buwan ng Enero hanggang sa kasalukuyan.

 

UK: Bangsamoro one of world’s few successful peace processes

MANILA – The United Kingdom has hailed the creation of the Bangsamoro region as one of the world’s few successful peace processes as it joined...

Antipas LGU releases official list of victims of highway mishap

OFFICIAL list of victims of March 25, 2024 vehicular accident involving passenger van and cargo truck. The list is from the local government of...

Cotabato Light announces April 6 power service interruption

Cotabato Light announcement:  To all our valued customers, please be informed of the scheduled power interruption affecting a portion of...

BARMM has new police regional director

CAMP SK PENDATUN, Maguindanao Norte - Police Brig. Gen. Prexy Dugas Tanggawohn was installed as new police regional director for the Bangsamoro...

BARMM, Inter-Agency Teams implement OPLAN HARABAS, nets 1 conductor positive for drug use

COTABATO CITY - The Philippine Drug Enforcement Agency in the Bangamoro Region and police units in the city conducted on Tuesday "Oplan Harabas" in a...