Saturday Nov, 16 2019 07:14:57 AM

“Pulis Rehiyon Dose Ipinagdiwang ang Ika-121 Anibersaryo ng Proklamasyon ng Kalayaan ng Pilipinas”

Local News • 18:00 PM Wed Jun 12, 2019
554
By: 
Police Lt. Colonel Aldrin Gonzales
Police Brig. Gen. Eliseo Tam Rasco, PRO-12 regional director, leads Independence Day celebration in PRO-12 headquarters, Gen. Santos City

 

GEN. SANTOS CITY - Ang Pulis Rehiyon Dose sa ilalim ng pamumuno ni PBGEN ELISEO TAM RASCO ay nakiisa sa buong bansa sa ika isang daan at dalawampu’t isang taunang pagdiriwang ng Araw ng Kalayaan na may temang, “Kalayaan 2019: Tapang ng Bayan, Malasakit sa Mamayan”.

Ipinagdiwang ng kapulisan ng rehiyon dose ang araw na ito sa pamamagitan ng pag-alay ng bulaklak sa PRO 12 Memorial Hall na sumasagisag sa kabayanihan ng mga yumaong Pulis ng Rehiyon Dose. Sinundan ito ng isang makabuluhang seremonya kung saan ipinaabot ni PBGEN RASCO sa kapulisan ng Rehiyon ang mensahe ng Hepe ng Pambansang Pulisya ng Pilipinas na si PGEN OSCAR D ALBAYALDE.

Sa kanyang mensahe, muling pinaalala ng hepe ng kapulisan ang dahilan kung bakit kailangang gunitain ang araw ng ating kalayaan. Ayon pa dito, ang taunang pagdiriwang ay isinagawa upang gunitain at bigyang pugay ang kabayanihang ipinamalas ng ating mga ninunong lumaban, nagsakripisyo at nagbuwis ng buhay upang makatamtan ang inaasam-asam na kalayaan.

Dagdag pa nito, sa paggunita ng ika-sandaan at dalawampu’t isang taon ng araw ng kalayaan sabay na ipinagbubunyi at binibigyang pugay ng kapulisan ang mga kinikilalang makabagong bayani na patuloy na naglilingkod at nag- aalay ng dugo’t pawis para sa kaligtasan, kaayusan at kaunlaran ng bansang Pilipinas.

Kabilang dito ang magigiting na pulis at mga sundalo, mga bombero, mga guro, mga magsasaka, mga metro aide, at iba pang mga lingkod bayan at mamamayang nagsasakripisyo, nagtatrabaho at nag-aalay ng buhay para sa sambayanang Pilipino.

Hinikayat din ni PGEN ALBAYALDE na lahat ng miyembro ng kapulisan na maghandog ng higit pang makabuluhan, matapat at masigasig na paglilingkod sa mamamayan at Patuloy na isulong ng buong tapang at dedikasyon ang pakikibaka laban sa krimen at iligal na droga.

Ayon pa dito, “Isulong natin ng buong puso ang pagbabago sa ating organisasyon at huwag na nating payagang sirain pa ng mga tiwaling pulis ang pangalan at imahe ng kapulisan. Ipakita natin ang tunay na puso ng pulis – ang pusong may malasakit at handang mag-alay ng buhay para sa sambayanan, ang pusong magiting at matapang sa harap ng anumang hamon at panganib, at ang pusong may takot at paniniwala sa Diyos at nag-aalab ang pagmamahal sa sariling bayan”

Upang mas lalong maging makabuluhan ang selebrasyon, madamdaming inawit ng kapulisan ng rehiyon ang “Pilipinas Kong Mahal” sa pangunguna ng Koro ng Pulisya ng Rehiyon Dose na sinabayan naman ng pagpapakawala ng puting kalapati na sumisimbolo sa masidhing adhikain nito para sa isang malaya, ligtas at mapayapang Rehiyon Dose.

NDBC BIDA BALITA (Nov. 15, 2019)

HEADLINES:

1. DAILY MINIMUM WAGE sa Bangsamoro Autonomous Region, tinaasan.

2. SAMPUNG EKTARYANG lupain na...

IED, firearms found in Sultan Kudarat

SULTAN KUDARAT -- Soldiers defused an improvised explosive device and seized firearms and ammunition in separate operations in Barangay Bagumbayan...

Army shells Dawlah Islamiya lairs in Maguindanao

MAGUINDANAO ---- Three more members of the Dawlah Islamiya terror group were reported killed as the Army bombarded with artillery its...

2 abus yield, hand over HPFAs

Two Abu Sayyaf Group members yield to the troops of the 44th Infantry Battalion in Imelda, Zamboanga Sibugay at 8:30am today, November...

Bishop to BECs: Take Gospel to needy

DAVAO CITY - A huge gathering of Basic Ecclesial Communities workers ended Thursday with a missionary mandate to work for justice and for...